Cultura

Simentera di palavras

Si frutu e palavras

Ku pe finkadu na tera

N ta txora tudu nhas magua

Dentu mi

Ka nhos po-m barbitxi na ponta di nha kaneta

Más ki si

Kriolu, N nanxi, N atxa-l

N ta mori, N ta dexa-l

N kre liberta

Nhos dexa-m liberta

Dja N ka sa ta pode más aguenta

550 anu di skravatura

Dentu di independensia

Desdi 75

N kre skrebi na nha lingua

Pa N ledu na nha lingua

N ka mesti pidi ningen lisensa

El e dimeu y di tudu kauverdianu

Amor ka ten lingua

Mas si N ama na kriolu

N ta ama dos bes

Ku forsa y kalor di vulkon di Fogu

Moradu na nha petu