"Poesia di um pretu atentu la di fora”

Cultura

Feliz ê bó rapasinho atentu;

Ki studa na luz furtadu;

Ta anda na caminho sombradu;

Pa txiga na conhesimentu.

Na tudu rubera ê labuta;

Dje subi ladera e salta cutelu;

Sempre ta bai ta djuguta;

Pa djobi kusa poi na sacutelu.

Feliz ê bó rapasinho atentu;

Ki ta anda sempre ku rostu pa norte;

Undi ê bai sempre ê leba si argumentu;

Ki ta serbil di si suporte.

Pa tudo ladu dje corri na mundu;

Ku objectivu di djobi verdadi;

Mas sempre ku kel amor profundu;

Ki ta ponu vive na irmondadi.

Feliz e bo ki dja anda, dja rodia, dja pastora;

Dja tranka na tudu pedra cu spinhu;

Mas sempre ta bai ta distora;

Ti ki hoje ka sta txomadu mas di rapasinhu.

SOBRE O AUTOR