Pub
Por: Andreia Tavares de Sousa
 Andreia11
Petu di maravilia
Ragas di nos ilia
Mai d'alegria
Bariga di majia
 
Oh mai kerida
Stendi bu brasu
Bu resebi es petula d'amor
Pintadu ku kalor
 
Sopradu ku bonansa
Amizadi i speransa
Sanadu pa txuba
Kumadri di lua
 
E pa bo es karinhu
Ku midalia di onra
Midjor mai di mundu
Morabeza di mar profundu
 
Mudjer koxa d'arjil
Bu oliar frajil
E spedju di dor
Kulpadu e nha kor
 
Dexa-m kanta-bu nha amor
Karega bu krus por favor
Sikre na dizertu di sufrimentu
Bo e agu di nha pensamentu
 

Comentários  

+1 # Carlos Ribeiro 26-05-2020 20:17
Forti bunitu! Forti krioulu sabi. Parabens, Andreia!
Responder