Cultura

Ken ki tranu di braku
Ki poi gentis tudu larga
Ki mostranu Undi ki nu ta pega
Pa nu mostras ma nu ka fodoku

Kenha ki n’xuganu nos praga
Pa ningen ka nega
Algen ki Sta li ka segu
El e nos maior amigu

E pa pidi diskulpa
Di porta pa fora pa grita
Se ka si nu ka ta seta
Pa rispeta ken ki bai tropa

Txeru finadu ta brinka na bentu
Boka abertu t’ozerba morti lentu
Odju grilidu sentidu atentu
Ta matuta sen nun rapendimentu

E lema di luta
E Pa kai pa labanta
Ningen pa ka spanta
O bu ta mori o bu ta mata

Kenha ki ka bai
Ka sabi kuze ki ten
Si bu ka ten pena bu Mai
Bu ka ten dor di ningen

Cabral e futuru
E vivi seklus antis si tenpu
Ta kusta p’es jerason entra n’exu
Si vizon ta ben zini ku tenpu

Si tenpu da…….
Ti ki tenpu…….
Ku tenpu e ta konpu
Nen se poku ta ben da

Cabral ka Flanu
Cabral e Manu
Si festa d’anu
E pa tudu Mininu

Gosi ki dja nu sai na klaru
Tudu mundu en koru
p’anda porta en porta
Pa sai na txada pa djata

Ma pa lingua sai fora
Pa obidu ba fora
K’orguliu k’onra
Pamo Cabral e ka Fidju Fora