Un abrasu di bu kretxeu

Cultura

Ten mumentus / Ki tudu ki bu meste / É un abrasu di bu kretxeu

Ten óra

Ki N ta xinti perdidu

Sima un péna di galinha

Na béntu

Béntu ta leba-l

So e ta para

Na undi k’e dexa-l

Nen si kaminhu

Nen si distinu

Ka el ki skodji

Mas, ka é di si livri vontadi

S’e pudia

Tudu al serba diferenti

Seta realidadi

Txeu bes

É midjor kaminhu

Ki sunha altu

Sen aza pa bua

Ten mumentus

Ki tudu ki bu meste

É un abrasu di bu kretxeu

Cultura