Cultura

N staba perdedu

Sima kabritu ki perdi di si mai

Ta roda sen para

Sima pion na txon ki ta lolu                                                         

Ku kriston na nha kurason

Nha fé torna más fórti

Pa N vivi ku txeu sabedoria

Na mandamentu di Nhordés

Ku pas di spritu

Kabésa y korpu ekilibradu, nes Natal

Sen spéra pa Anu Nobu

Ki dja konku tudu mundu na pórta

Timenti sa ta manxi, N ta korda

Speransa ka podi móri

Anu Nobu podi ben

E ta atxa-m li ta spéra-l

Filis 2024 pa tudu mundu