Ta pidi-m pa N liberta-l / Na padas di papel
Mesmu ki N ka éra puéta
Puezia sta-m na nha odju
Puezia sta dentu mi
Sima baru na mo di un artizon
O pinsel na mo di un pintor
Si gritu e nha vos
E nha inspirason
Ta pidi-m pa N liberta-l
Na padas di papel
Si N dexa mumentu pasa
Nada N ka ta rejista
E sima un bentu ki pasa pa mi
Sen dexa rastu
Pa gritu y dizisperu di nha alma
Ki nada ka ta podi faze
Pamodi e más un inspirason
Ki dja N perdi
Inicie sessão ou registe-se para comentar.
Comentários