Cultura

Riba d'ora ten casa pa tudu algen
Ten visitas pa tudu kutelu
Inaugurason di kapéla , funku, díki...

E riba d'ora ku surisu forsadu
Mantenha daguma
ku diskursu bunitu
Pa podi kontinua na puleru

Riba d'ora ku rostu ferbedu
Jovens dja lenbradu di el
Bedjus bira ta tomadu bensu
Katxor tradu di lumi podu na ragás

Riba d'ora ki ta djobedu pa ládu
Kamisa ramangadu, pé sen sapatu
Umildadi bira palavra d'órdi

Djustisa fladu ma ten
Má povu ka xinti-l
Seguransa so pa mosus di fatu

Si MAC kunpradu ku porta-vóz ku tudu
Ka nu purgunta pa maria ki kalaron sta basíu
Má, Nha povu al sabi da rasposta na ÓRA