Cultura

Obi bu vós e karísia pa nha obidu

Si ton e suavi ti ki ta da-m trankuilidadi déntu mi

Sima mar kalmu o ténpu ian

Sédu palmanhan

Vontadi obi-l e tudu óra

Sikre bu ka fla nada  

O N fla-u, bu ka acredita

Bu pergunta-m si N faze di bu vós un puéma

Odju na odju, N abri brasu, N risponde-u

Ki distinu ten un puéta s’e ka faze puezia?

So di kontentamentu, bu fitxa-m un odju

Komu puéma e kurtu y bu vós, nha puezia