Cultura

Kombersu Xalina ka ta fadja

si bu djunta ku porku

Boka ten ki turfudja na farelu.

Sen djobi pa povu. Ki ta konta e mama.

E ka ninhun segredu

Es ventoínha e igoista

ta gira na forsa ganansia

Ki ta konta e sta na puleru.

Si pelo menus strela ata limiaba

Nu ta tinha mas speransa

Ah Cabo Verdi, ah mosinhus!

Politika ka di fiansa

Pulitikus ka ten alma.

Merkanu sabi largu

Berdianu ten medu fla "nau"

Sima ki Dios e branku...

Ki so pabia di Cor nu ten ki tra txapeu.

Basofaria go nos ki ten

Ta meti boka la lonji...

Nos ku skola sen prusor

Ku prusor sen skola

Falsia bira modelu

Tudu e so forma

So pa bunitu

Korda, Fonseca ka di fiansa

Sima dimokrasia di merka e falsu

Dibinha go na undi ki e ta rabenta.