Cultura

Pa nos ki ben ti txiga
Pa kes ki ka konsigi longa
kes ki fika ningen ka katxor
Nu ten ki fazi midjor

Un anu di pas ku menus eru
Pa mundu interu
Sen maldadi pa kunpanheru
Ka nu troka algen pa dinheru

Nu djunta mas Amizadi
Nu buska kunhesimentu
Nu pratika bondadi
Nu ta ten mas intendimentu

Natureza sta pidi pas
Nu podi da un poku mas
Nos tudu nos e kapas
Longa mo nunka ka dimas

Nu fazi és anu diferenti
E nós ki ta fazel interesanti
Nu prega és ditadu na menti
Ningen ka ben li pa simenti

Boas entradas pa Umanidadi
Nu abrasa nós diferensa
Deseja Saudi entrega ku grasa
Pa selebra kunpanheru k’umildadi