• Praia
  • 29℃ Praia, Cabo Verde
Mudjer di mel
Cultura

Mudjer di mel

Nha grodi transadu na kordon

kabelu ta bana

Na nha peli di mel

Lua xeia limia-m na rostu

Mi e boneka pela aparensia

Korpu instrumental

Viola na koxa notas na dedu

Tisidu Seda bisti nha korpu

Sen ilastiku na midida

N ten koxa di mara fazenda

Onbru di karega kustura

Bexu di txoma bu nomi

N kre fitas na pé

Pratiadu ku doradu

sima noiba

Na purbika kasamentu

Mi e mudjer di kre sakedu Firmi N merese Amor

Amor ki ta karega-m

Mi e mudjer di surizu

Konkistador

Di sonhu Profundu

BRAVA na nha inpenhu

FOGU na subi-sai

Moda un tardi la MAIU

Nu Ama na ilia di SANTIAGU

Bu txuputin la son NIKOLAU

Odju ku surizu la

SANTA-LUZIA

Nu permanensi na

BOA-VISTA

N lenbra nos beju la SAL

N Dizenha kel beju na bu mo

Pa bu fitxa dentu bu kurason

N kai na bu petu

Pa bu guarda-m dentu

Bu Alma

Di nhas odju kor di mel

Nes tardi kenti di sabor

N dexa sodadi na

SANTU-ANTON

N Kre beja-u di nobu na

PRASA-DI-MINDELU

Anda na rua di

SON-VISENTI

Na ar di tenpu

ilia pasajeru

Di odju fotografu moda bu maleta

Sidadi di maravilia

Surizu atraienti

Misterioza moda rapusadu

Na papel di inbruliu

Sabor markanti na bu boka

Bo e pontu di Amor

Amor ki karega-m

Partilhe esta notícia

SOBRE O AUTOR

Redação