• Praia
  • 29℃ Praia, Cabo Verde
Ratadju di Berlin
Cultura

Ratadju di Berlin

Poema sobri partilha di Afrika

Ratadjadu na Berlin

Satadjadu sen fin

Partidu tera sima dosi na tabuleru

Nu stibadu sima kankan na tabakeru

Tera sabi bira kobon ku ladera

Pamo garbatadu tradu oru ku diamanti

Nu atraza i es bai pa dianti

 

Nu bisti-s, nu fika mai tadjadu

Nu kubri-s, nu fika mai gazadjadu

Nos kakau bira ses xokolati

Nos mar bira lugar di ses iati

Nos pexi bira sustentu ses merkadu

Nos txon bira propriedadi ses morgadu

 

Es bai, es dexa-nu ku txeu dor

Es volta ku nomi di invistidor

Es fase-nu skola pa spadja ses idiolojia

Es tra nos pulitiku amor i es inxina-s dimagojia

P’es bende nos tera pa pratu di pintinhu

Sima Izaú fase ku si primojenitura

 

Alkebulan vira ratadju di Berlin

Kontinenti di nos ansestral ki maradu, korentadu

Fasedu skravu i bendedu pa presu obijetu

Oxi libertadu na korpu, skravizadu na kabesa

Pamodi tenpu skravidon kaba

Komesa tenpu di Don Skravu

Partilhe esta notícia