• Praia
  • 29℃ Praia, Cabo Verde
Migalia di Amor
Cultura

Migalia di Amor

Bu prega na mi

Un spedju di spinhu

Un sonhu vaziu

Silensiozu ki

Disloka nha kurason i

Muda direson

Sakedu

Moda tumulu di palavras

sen eku

Na meiu di migalia di

Amor

Kaidu na sufoku

Perdida a kada pasu nun ruidu

Moda menti ku txoru

Imensu dizisperu

Plantadu na nha grodi

kabelu transadu

N' intrega-u nha Kurason

Sen farapu sen pezu

N skrebeu maravilias

Ki N le Na bu pustura

di omi di manhan

Sen padas Inkonsienti

Bu duspi-l di si raius

Sol ka bibu na bu seu

N perdi laguas

Frakeza na juras di amor

N sta xinti mi so na

strada txon insiguru

Bu perde-m

N Perdi nha vos

Rosa branka ki murxa

Dja N riprova nes kastelu

Bu Intrega-m 4 paredi

sen tetu

I bu kre ama-m mas ki

Ninguen

N ka kre Koroa nen Ouru

Ki fari Tronu sen amor

Nha Storia

E mas ki sedi di ser un

par

E alen di konsulu i

konfortu

N kre Pa N vivi

Pa N ser kontadu

Vivi pa ser lenbradu

Oji si bu odju ka odja-m

Manhan e bu

Amor ki ta seka na

ragas...

Partilhe esta notícia

SOBRE O AUTOR

Redação