Pa ka skesi

Cultura

N’ka ta skesi nunka / Ma tá buskada na kaneka / Gran di midju / pa bota na boka / Era duedu tudu algen ku rasaka

Na 49 ki sistensia ronba
Ki Soza nha Tuda konta
Ma dipos del ningen mas ka sai
E soti rostu pa ganboa ba linpa kal

Dia sinzentu almas tromentadu
Porteru kondoiadu ku porta dos bandera
Fitxa kalistra baza n’tera bibu
Sonhus di fidjus Berdianu

Krimi organizadu
Ki oxi debi ser prusesadu
Julgadu y até kondenadu
Mesmu standu supultadu

Dentu nos ilia
Txeu algen perdi familia
Pa Kenha Ki konxi storia
Inda sta fresku na mimoria

E la sin la na petxeku
Gritu ta eku na fumu
Spritu ta torsi ku tosi seku
Abrigu torna un otentiku ermu

T’inda kel kau e pisadu
La na bera inda sta txoru
Si bu sumara bu t’obi gritu dizusperu
D’algen inda ki kre manda rekadu

N’ka ta skesi nunka
Ma tá buskada na kaneka
Gran di midju pa bota na boka
Era duedu tudu algen ku rasaka

Cultura