Cultura

N kre fla-bu minina

Ma ka ten un boka’l noti

Ki Dios poi na krus

Ki N ka ta matuta

Mi ku bo lanbuxadu

Dentu’l nha funku

Ki sta prindadu riba la

Na fiu di kutelu.

N kre fla-bu tanbe

Ma N txoma Rabeladu

La di Spinhu Branku

I na kanbar di sol

Bu ta atxa-m xintadu lapu

Ta kori xintidu pa-li i pa-la

Pa N odja si N ta odja-nu na nobresa

Riba di nha kama pe-di-bodi

Na lus di podogo o di nina

Ki N bai kodji la boka’l rubera

Pa N ben limia bu korpu i so di-bo

Si kre ti sedu’l palmanhan.