• Praia
  • 29℃ Praia, Cabo Verde
Rap di Matxikada
Cultura

Rap di Matxikada

Dja n fla-s ma nha pitada

ma el ka ta mukadu

pa bagu branku’l txada

na braku musgedjadu

kô ndoxa nomi ô kor

ti [b]u bira raganhada

pa mundu da-u valor

poi vos di matxikada

nun pé imita avion

na otu só strubon

ta ronka mô baxon

ta stika na kel un ton

(konbersu maskadjon

konxedu ti rifon

é ka kualker tonton

ki ta po-m mô na txon)

na nhanha bonbolon

ki mi n toma benson

n prende ben lison

ma branku ka mondon

nun óra n sta na séu

na otu ale-m na téra

mas pa ragasa-m nha véu

nen ku ronku’l géra

argi bu grita nomi

p’es ka txoma-u nungen

sikré na tenpu’l fomi

bu ka kreka di len

sakedu si bu kre-m

nina-m na palmu mô

ami kel ki lenbe-m

ta froxa-m tudu nó

n ka nobu’l binten

nen n ka bedja di pó

mas ami pa rabate-m

só forsa di des mô

nha nomi é tezon

pilidu é pidi n da-u

si [b]u ben sen mansidon

n ta bira lakrau

kelotu é paxon

ti txiga kapiton

(kel stória di rinka-finka

gosi é só pa brinka)

talina lau-lau

katota juana branka

si [b]u da-m n ta muka-u

(mas na preta gó djô tranka)

ka bu fase-m tabanka

ka bu rufa-m tanboru

si [b]u ben ku forsa d’oru

ku ronku bu ta disbanka

Partilhe esta notícia

SOBRE O AUTOR

Redação