Cultura

Sonhu bibu dentu mi

Ka ta dexa nha kurason ten pas

Nha dizeju di N brasa tudu mundu

E forti di mas.

Petu ku petu

Ti ki nu volta ser kel ki nu era

Fidju di Deus, sen magua nen rankor

Pamodi nos tudu e umanu.

Fidju di mesmu bersu

Ki ta kaminha pa mesmu destinu

Mesmu morada, dipos di ultimu suspiru

Y, la, nada mas ka ten

Nen sonhu nen rikeza

Ka ta sirbi-nu pa mas nada.

Sonhu bibu dentu mi

Ka ta dexa nha kurason ten pas

Nha dizeju di N brasa tudu mundu

E forti di mas.