• Praia
  • 29℃ Praia, Cabo Verde
Distinu ingratu
Cultura

Distinu ingratu

Ti inda n sta li xintádu

riba kel nos banku di pedra

foradu di amor

Undi ki nu ta konbersaba sen presa

Nu ta planiaba nos futuro.

Tudu avion ki ronka na seu ta korta-m tripa

runhu makina asa'l fitisera

ki leba-u mas ka trase-u

Ki leba-m nha bida djuntu.

N ten fastiu di Ken ki ospra-u

Ki da-u tudu menos amor.

N sta raboitadu kontra tempu

Ki furtabu

ki trau tudu tempu

... Nen un sigundu pa un "boas oras"

Distinu ingratu

Tempu mufinu.

Sakutelu kakuladu

Kurason seku toradu.

Ma fika ta Sabi

Ma kada bes ki onda sota na rotxa

ki txora dor di sodadi di tudu sodadis...

Ma kada lagua ki disprinda di nha rostu

I di tudu kabuverdianu vitimas di imigrason

Ta rega speransa, ta djondju lonji ku pertu...

Partilhe esta notícia

SOBRE O AUTOR

Redação