Cultura

Dimokrasia ben kaba ku ditadura

Mas ku tenpu es kaba pa mustura

Dimokrasia bira dimokratura

Buru toma liberdadi di sura

Sosiadadi straga ki bira sen kura

Gentis ki nu mandaba bai

Volta ku nomi di invistidor

Nos inprezarius fika so ku dor

Ses inpreza fali, ses ikonomia kai

Bira si parse milisianus dijital

Ku perfil falsu ta sunsuria i ta ataka

Tudu k' es ki ta dinunsia injustisa sosial

Poder bira so pa fidjus di eliti

Pa pobris ben fanatismu p' es divididu,  pa renadu

Enkuantu es ta pididu amor segu a partidu

Sta algen ta parti, ta raparti i ta tra midjor parti

Pa es resta anda txada ku ladera

Da viva i karega bandera

Vivi iternamenti na pobreza