Cultura

Perta-m na bu petu

Pa N xinti bu txeru

Mariskadu di piska-dor

Kalka-m rixu bu nina-m

Nha korpu na sabor

Di bu bexu salitradu

Karisia-m ku bu remu

Ti ki N naga na son

Di ondia di bu korpu

Pa N korda na furia

Di bu remu dentu’l mi…

Sima ondia ta dobra na reia

Di praia nos sodadi

Ah, nha piska-dor!

Dja fase kuatu kanbar di sol

Ki lua ta tistimunha-m nha pensar

Ami pregadu na rua’l di mar

Ta smira abrasu ki ondia nguli.