Cultura

Kriston spia bu Armun
Ka bu spera so pa Natal
Lenbra ma armundadi sta na union
Amor e fundamental

Sirbintia e di natureza
E la ki sta nos rikeza
Tanbe la ki sta nos pobreza
Djuntu ku nos frakeza

Oxi Ken ki ka ten dinheru
Ningen ka kre propi ka mestedu
Tudu runhu ku kunpanheru
Kiriatura ka teni temor Kredu

N’odja ma mundu ka sta Nobu
Sta ká konku kabelu branku
Pa Kenha k’inda sta bibu
Ami n’sta ser Franku

Nu ka mesti teni dinheru
Pa nu sirbi kunpanheru
Un bon dia k’un abrasu
Kes dos li dja ka ten presu

A dias fosi un bentu
Ke pa bulinu pensamentu
P’Omi kria ruspetu
Imajina se duraba mas 5 minotu

Nu kria mas union
Nu ten mas konpaxon
djuntu nu toma kumunhon
Si é ki nos é bon Kriston

Un filis Natal pa nos tudu💥🎶