Cultura

Un malditu asasinu

Rinka kau-berdi si fidju

Un tristi distinu

Ki dexa txeu lagua ta baza

Bandera pretu finkadu

Povu tudu spantadu

Korpu dismoralizadu

Mas verdadi ata speradu

Pa ben na karta

Un karta karinbadu ku sangi

Sangi di liberdadi

Puru di kada identidadi

Oh CABRAL

eroi, pai di nason

Omi ton spesial

Di korpu di aima imortal

Riba la, na paraizu di pas

Mas nu ta obi bu vos

Ki senpri ta fla-nu

Ma tudu i kapas

Basta nu luta ku speransa i forsa

Unidu, pa nu kodji

Fruti di tudu ki bu simia.