Cultura

Xintadu na portu mi ku nha boti

Ku nha remu en crus pa konjura malis

Nta resa nta pidi mar pa limianu

Nta sunha ku regresu di nos mininus.

Pisadelu ta saitan alma ta fadigam xintidu

Nka teni djetu di poi kalaron na lumi

Paladar tambi bai djuntu ku nha mininu

Nhas odjus kria limu mas djam fitxa koraji.

Nkre pista kel poeta si pena afinada

Pa Nskrebi un versu xeio di amor

Pa trasi djustisa ki pobri negadu.

Nha grítu di dor ka sa ta obidu

Nha fomi ka ta xintidu

Desdi ki subidu puleru...

Papeladas ta sinadu sen nkonsultadu

Na telivison konbersu trapadjadu...

Toneladas ta kamba sen rabista

Barku ta bai kakuladu, ta leba pon di nha boka.

Mi sen pon, sen paz, sen saúde

Sen tetu, sen suguransa, sen nada.

Mas ki ta duen mas - E SEN NHA MININU.

Ki ti inda nka dadu un splikason ki ten TINU.