• Praia
  • 29℃ Praia, Cabo Verde
Fomi 47
Cultura

Fomi 47

Kabuverdianus ku mundu interu

Ka ta skese Fómi Korénta i Séti

Si es lenbra-nu ses dezusperu

Diserteza nu ka ta seta.

Vinti di Febreru di korénta i nóvi

La undi ki gosi sta “Telecom”

Kabuverdianus móre un-monti

Na bixa ta spéra pa un rafeison.

Palmanhã sedu, la baxu Praia

Es tudu renkiadu numa bixon

Un trás di otu kuazi ta smaia

Pabiâs di un bokadu kaldu-fixon.

Es nsodadu, sisténsia ronba

Sen es spéra, kai riba des

Matxu ku fémia, bedju ku nobu

Móre fepu, tudu di unbes.

Bala grandi kobadu fundu

Kadabras podu un riba d’otu

Sen mortadja nen kaxon

Nen família pa txora-s.

Poku des lebadu na skifi

Alguns bai na banda pórta

Otus inda na djangada

Bai nteradu pior ki limária.

*Professor de Educação Artística

Partilhe esta notícia

SOBRE O AUTOR

Redação

    Comentar

    Inicie sessão ou registe-se para comentar.

    Comentários

    • Este artigo ainda não tem comentário. Seja o primeiro a comentar!