Cultura

Afrika bunita bersu

Di universu

Txon di konbersu

Afrika pusor di nha ventri

Mai di nha biku

Afrika

Purmeru lus ki zingi e di bu kontinenti

Bu planta bu rais na txon

Pa flora na mundu

Mi e bu fidju disendenti

Mi e bu peli na spedju

Ki alimenta na bu seiu

Agu di bu fonti ta kori na nha menti

Baxu nha pe N planta bu simenti

Na nha kosta nta skrebe-u

Undi N bai N ta labanta-u

pariba pa stende-u

Bu frutu e riku

Bu planta e berdi

Bu koxa ka ten arku

Bu povu ten abrasu ardenti

Markas di passadu dexanu balenti

Si nu djunta mo

Nos forsa ta abrasa mundu

Dexa-m nansi mil bes

Mas dexa-m nansi ku palavras

Dexa-m nansi ku nha maravavilia di nha bistidu

Si kre nansi sen inperiu

Mas pa N nansi di nha Afrika mai rika di amor.