Cultura

Tudu dia ki pasa

Nha kaminhu sta bira más largu y más kunpridu

Ku folgu y fé, N ta anda-l di béspa, ti N txiga fin

Djuntu ku kenha ki nunka larga-m nha mo

Pa nada ki ten

Dentu mi

N diskubri un forsa

Ki nunka N pensaba ma N tenba

Mante-l bibu, ta dependi so di mi

E nha maior konpromisu ki N ten ku mi

Pur isu, N ta kontinua nha kaminhada

Sen afasta di mi y di nhas sonhu

Ku tudu konfiansa na Nhordés