Cultura

Na friu di noti Somada

N brasa Lily na petu

ku tudu jetu

di mansinhu

ti ki nu xinti sô nos kurason ta bate

riba kunpanheru

Kantu nos odju kontra

y N odja na dise-l

tudu si inkantu

E fla-m:

Nha puéta

ka bu po-m sô ku speransa

ma nu ta djunta rasa  

Bo é rapazinhu di Praia

Bóka sábi dja bu ten

Mas ami infilisidadi

Nen di baru Fonti Lima N ka krê pa mi

N perta-l na mi más inda

kantu e deta si kabésa

riba nha onbru

N fla-l:

Nha Santa Katarina

ta djobe pa nos

pamodi ami Somada N ben

pa N ka bai nunka más…