Cultura

Frakasu sen meresimentu a kada pasu,

Menti libri mas saradu na lasu

Mi na kantu sen spasu, i sen Alkansu,

Altura mididu i rendidu a nha kor

N odja Markas i Fridas di pasadu

privadu di lus di dia

N lembra luta di nhas tias

Ninhun konpra e ka fiadu

Nha kor é ka nenhun atrazu

Nhos dexa-m flora ligria na nha txon, na nha vazu

N ka kré strada maguadu nen kruzadu

Nka ta vivi so di bon rekadu

Agu e lukru pa subrivivi,

Sima sen sol nu ka ta vivi

Amor e irmun di konfortu

Ama vida ku karinhu

Mas ki bu ta ama un fotu

Nos e obra, fidju di mesmu kriador

Nu dadu benson ku mesmu valor

Nu ten mesmu seu

Nton

Di bu odju rinka es veu.