Cultura

Ku korpu na nhas brasus

Na nhas brasus ta treme

Na rítimu di nha kurason

É dimás pa u-ki dja N ôdja

Y más inda

Pa kel ki N ta xinti pa bo.

Beja-u é más ki tudu

É kontron di sol y lua

É majia y freskura di briza di mar

É un selinhu suavi

Di un gostu ki N ka sabe splika

Mas ki ta dexa-m ku sede na bóka.

Nos lábius kôntra

Nhas brasus treme más inda.

Ku vergónha

Nu sela nos enkontru

Ku próva di amor

Na areia di praia.

Txau ki bu fla-m

É manhan bu ta volta…