Cultura

Toki di seda

Moda brufa de petalas

Fragansia di elegansia

dizenhadu ku kurason

Odju ta nina moda mininu ku sonu

Bu nomi kebi na nha petu

Vitorias maradu na ason

Asas prontu pa un novu kumesu

Bensuadu pa lus di bus odju

amanti di bu menti

N abri nha alma puru na bu mo

Transparensia di bu toki

po-m N ta sunha ku palavras

Saburozu moda kafé di palmanhan

Borboleta na ar

Djagasimentu na lensol

Suavidadi di bus beju

Xintadu na Karisias i romansi

N pinta koris ku surizu

Iaia pista-m Benson

Pan mara amor na nha ragas

Dizeju karenti i ardenti

Abrasadu na kalor korporal

Forsa ta bentia kada fiu

Di nha beju pa alkansa di bo bunitu sima por di sol

Nha apilidu na bu boka

E moda Inu na vos di un kantor

Bu oliar na nha korpu e moda un pintor ku si kuadru

Nos palmu bira un

Bu infeta nha dedu di anel

Dentu tanki di paxon

Nu abrasa mundu ku amor.