Cultura

Bai

Sen bu djobi pa tras

Mesmu ki nha korason sta in padas

Skese-m ! es dor ta due dimas

Bai mesmu si N ka kre

Ba kori bu aventura

Es sufrimentu, ku es magua, tenpu ta kura

Bai na pas di Dios

Lua ta ilumina-bu

Strela ta kunpanha-bu

Txuba ta pega-bu na kaminhu

Sol raganhadu ta spera-bu

Mas antis di bu bai

Dexa-m bu surizu

Dexa-m, N obi bu vos

Nen se pa ultimu bes    

Fla-m ma bu ta ama-m

Fla-m, ma N ten bu karinhu

Mi bu fidju, bu mininu