Cultura

Nha genti nu fosi konta

Nos tera ka sustentadu só pa turista

Kuluna vertebral sta na kosta d’imigranti

Nu argi kabesa nu spia la frenti

Di ses ka t’entra p’alfandiga

É sima fosi azagua na roda kasa

Ka ta txiga porta duspensa

É kumé lenbi dedu krus na bariga

Nen ka ta xinta na banku

Ka bu kontenti odja branku ta n’goda pretu

Trokadu kunfia nes kes danu mo na txon

Baradja-nu kabesa troka-nu nomi pa djon

Ti Ki tenpu nu t’abri odju

Pa nu kunfia na nos trabadju

É nos ki ba gera

Ki kori kuas di nos tera

É ramesa d’imigrantis

Ki ta aguenta salabanku

É nos é nos gentis

Ka só txapu na mó ta ba di barku

É nos ké prizenti

D’oxi ki ba manhan

Speransa sedu palmanhan

Keli ké kel grandi sorti

Imigrantis ki ta libra-nu di fronta ku morti!

Calu di Guida #0275 2025