Cultura

Kuze ki Celso fasi
N’kre algen pa kudin
Nha genti pa sisi
Pa ningen ka n’pidin

Kuse ki Celso fasi
Dja pasa mare
nada ka sta kontisi
Djan kansa di le

Justisa na ki ladu nhos sta
Nos nu ka sta nistijiadu
Inda nhos ka farta
Só na kusta koitadu

Mai ku Pai ta txora ses Fidju
Seifadu pa mo di dimoni
Pa mi ka ten otu Nomi
Nhos sa ta fasi grandi trabadju

Tantu algen ta sufri
Na rua sangi ta kori
Sta algen ta poi na kofri
Matxikadu k’inda parida ka pari

Sinal dja sta na burmedju
Nhos obi nha konsedju
Nhos fasi so papel di santxu
Ma algen ta pegadu na katxu