• Praia
  • 29℃ Praia, Cabo Verde
Entre mi ku bo, Lily
Cultura

Entre mi ku bo, Lily

Si bu dura ki bem, /Manba ki bu ka atxa-m, /Pamodi é txeu sufrimentu y angústia /pa un algén so!

Entre mi ku bo, Lily,  

Sta un mar di mágua

Y txeu distansia

ta separa-nu. 

 

Nen si N kre txoma-u,

Bu ka pode kudi-m!

 

Nen si N kre obi-u,

Bu ka podi txoma-m!

 

Nen si n kre xinti-u dentu mi,

Bu ka pode xinti-m dentu bo!

 

Poku a poku,

Es mágua y es distansia

sta da kabu di nha vida.

 

Mesmu asin N kre y N sta spera-u!

 

Si bu dura ki bem,

Manba ki bu ka atxa-m,

Pamodi é txeu sufrimentu y angústia

pa un algén so!

Partilhe esta notícia