Cultura

Bu toka-m moda Rei

Na inkantu di sereia peli sen papel

Mordedu na bu bexu

Na obidu bu murmura

bo e di meu

Flor di purfumu sen balei

N sumara bu fragansia na areia

Di nha boka kapri jemidu

Pabia bo e anju ki kai di seu

Nos dos e mistura di mar

i oseanu

Nos e bunitu Kordas di liana na pulsu

Moda roza plantadu na kurason

Nos e lus na sonbra di mundu

Ku aroma di AMOR ta lanbu-nu

Karisianti...

Bo e petu ki resebe-m

Nes disviu di SENTIMENTU sen parakeda

Sekura di paxon

Dja diskansa na bu onbru konsolu

Na pas bu tarse surizu ki indoxa-m

Na bua bu salta sen pensa na keda

Agu na boka bu ferbe-m ku vulkon

Trabadju ardu ku paraizu na miolu

Vontadi i mimu grandi

Transborda nha petu

Na Lus di pabiu asezu

Na nos kama

Es oliar sekretu

Bu fitxa-m na bu petu

Korpu treme-m

Bu diskubri-m

N rispira bu ar

Bu fase di mi un nobu Mudjer

N kre amau mas ki ninguén

Na meiu des multidon

N kre ser bu Ser

Ku lumi ki ka ta paga

Bu tisi nha briu pa sendi dia ku noti

Nes nobu paladar di nha Omi

N kre ser bu ser...