Cultura

Cultura

Sodadi ki ka ta kaba 

• Por Paulo Veríssimo
• 2 de Dez de 2023

So tenpu ta kura / Mas dia sertu ningen ka sabi / Entritantu, ti nu txiga es dia, é sodadi ki ka ta kaba.

Paxenxa, Lily

Ki distinu nu ten

Ki nen distansia

Ka ta kaba ku lenbransas di tudu ki nu vive

Ku tudu forsa

Na prazer di nos korpu

Y dizeju di nos alma.

Sodadi é un dor ketu ki nu karega na petu

Tudu dia ki manxi

É nos pasadu, prizentu y futuru ki ta djunta-nu

Sen rumu klaru

Sima un barku pikinoti ta boia na maré

Y si, sima ta fladu, é verdadi

So tenpu ta kura

Mas dia sertu ningen ka sabi

Entritantu, ti nu txiga es dia, é sodadi ki ka ta kaba.