Cultura

Paxenxa, Lily

Ki distinu nu ten

Ki nen distansia

Ka ta kaba ku lenbransas di tudu ki nu vive

Ku tudu forsa

Na prazer di nos korpu

Y dizeju di nos alma.

Sodadi é un dor ketu ki nu karega na petu

Tudu dia ki manxi

É nos pasadu, prizentu y futuru ki ta djunta-nu

Sen rumu klaru

Sima un barku pikinoti ta boia na maré

Y si, sima ta fladu, é verdadi

So tenpu ta kura

Mas dia sertu ningen ka sabi

Entritantu, ti nu txiga es dia, é sodadi ki ka ta kaba.