Cultura

Dós pó ta briki briki dentu konpasu

Balei Ta pila tornu ta tenté

Farinha mansu Bindi untadu ku mantega

Kunda riba Tres pedra 

Midju nobu ten kuskus doxi

Midju bedju ten kuskus Sanhadu

Kuskus kenti fumu branku albu

Ta risindi sabi ta txoma ospri

Ai kuskus...

Kenha ki subiu e subiu ku Amor

Leti Baka e bu kunpanheru di mesa

Juana fla ma kuskus ta matal se bida

Ku mantega ó ku Leti koneni

Di midju tera tanbi

Boka tardi N ta modja midju

Anti manxi N ta pila 

Mama ta Bati boli

Mi ku kuskus ta subi manenti ayan