• Praia
  • 29℃ Praia, Cabo Verde
Ah mudjer
Cultura

Ah mudjer

Mudjer de peli fina

korpu sabi

Bulusia na midida

Saia na forma di koxa

Ki odju ka ta nega

Mudjer ki ta karega

borduadu na dixida di si

kurba

ki odju ka ta kansa

Ki boka ta dizeja

Sen fla ave maria

Ki Ser Omi e susti sintu

Mudjer e tenpra na

kanbar di sol

Ki ta poi refeison sal

ku paladar na lus di

kanderu

Antis di pabiu da si

ultimu folgu

Mudjer ta simia

Ta tenti

Ta kanta ta rabola na

subi lugar

Na kada palmu di

fazenda ki ta kubri si

nobresa

Mi e mudjer

Bo e mudjer

Nos e mudjer

Ramantxada

Siumenta

Vos altu

Mas mansu sima mininu

na petu baxu di amor

Mi e mudjer

Bo e mudjer

Nos e mudjer

Nu ta da lus

Nos e Mai nos e manta

Nu ta da vida na tudu

nos splendor

Nos e mudjer ki ta kubri

petu ku amor

Ki ta abrasa Rei sima

Rainha

Ta stende-l Amor di Alma

Amor sen dimenson.

Partilhe esta notícia

SOBRE O AUTOR

Redação