Pub
Por: Andreia Tavares de Sousa

Andreia Sousa POesia 

Na tenpu di ileson

Konbersu sabi ta kori tudu kobon

Festa ta obidu na po ku pilon

Na odju di povu ta brilia iluzon

 

Na ora di buska puder

Valor es ta da omi ku mudjer

Na kutelu, na rubera ,o la kel otu len

Mesmu na kaloron es ta kumi ku kudjer

 

Na momentu di ingada koitadu

Promesa ku speransa ta bira agu

Generozidadi es ta po riba di mesa

Kaneka ta rabira pa diparbesa

 

So es fasedu kunfiansa, k’es ganha

Es ta skesi ses promesa

Es ta bira ku finesa ku grandeza

Kaminhu lonji es ta ba di bespa

 

Nason es ta ignora, pobre es ta fronta

Mizeria es ta sukundi, kumida sabi es ki ta kumi

Duranti ses mandatu es ka ta sai di ses konfortu

Ora ki tonda txiga mare di votu

Ses kobersu sabi es ta tonda konku.

 

Comentários  

0 # Experiência 17-10-2020 13:44
Excelente
Responder
0 # CHINESA 16-10-2020 09:29
Boa Andreia!!!!!poesia sabi cheio de verdades!
Responder
0 # Leão Vulcão 16-10-2020 00:38
Ki grandi Puetiza ki nu ten! Bu ten jetu, bu ten talentu! Deus ki da-u el. Toma-l, pega-l, bu spadja-l inda mas lonji.

Errata "Jenerozidadi".

Manda mas, Andreia. Forsa!!
Responder