• Praia
  • 29℃ Praia, Cabo Verde
Leison dja konku porta
Cultura

Leison dja konku porta

Tenpu!

Bu bai, bu rabida

I bu trazi kontradison

Rodidjadu na dimagojia

E na kontra-tenpu di tenpu

Ki bu ta atxa kes dimagogu

Baxu di sol raganhadu

Ku kalsa ramangadu

Kamisa  sen boton

Kabesa bafadu ku txapeu txapa-txapa

Ta subi ladera i ta dixi kobon

Purki kanpanha dja konku porta

Leison ta kanba na fiu di kutelu

Na pregu di sidadi, skritoriu ta finkadu

Baxu d’ar kondisionadu

I odensia  e ku obidensia

Na rua!

Povu ta kumi konbersu fiadu

Ku konsensia maradu

Na po di spera…

Forti kontradison

Nes padas di nason!

Partilhe esta notícia

SOBRE O AUTOR

Redação

    Comentar

    Inicie sessão ou registe-se para comentar.

    Comentários

    • Este artigo ainda não tem comentário. Seja o primeiro a comentar!