Cultura

Cultura

Kriansa frutu di ventri...

• Por Redação
• 1 de Jun de 2020

Kriansa e inosensia

Sen sentensia

Kriansa e amor

Sen rankor

Kriansa e pasu pa frenti

Gritu di grasa

Pé na lama ta salta kontenti

Na vos di kriansa meludia ta grava-u na mimoria

Ki ta rikisi bu dia

Kriansa mo na altura

E kontentesa sen altura

E abrasu ki ta inguli

Solidon ki bu tripa ta buli

Kriansa

Kriansa bu ten puder

Di kura magua i margura

Kriansa bo e futuru

Bilida di odju

Nha tripa na bariga

Nha orguliu jiganti di nha petu

Bo e verdura floresta di kapasidadi

Tronku di speransa

Kriansa

E teia na kaza ta kubri tetu

Kriansa e rikeza di mundu ku arma mas bunitu dja intola na si rostu

Inosensia i grasa ki ta kumi kualker kurason

En buska di paxon

Kriansa e mundu

E asukrinha ku kalbisera

Xupeta ku bolu di mama

Kriansa di vôvô

Mimu di dona

Nos tudu nos e kriansa

• Tags
• #Economia
• #Destaque
• #Banco Mundial
• #Governo
• #Covid-19