• Praia
  • 29℃ Praia, Cabo Verde
Indipendensia
Cultura

Indipendensia

Dia 5 di juliu di 1975

Kabu-Verdi finka si bandera

Grasa a forsa d’Amilcar Cabral, ku si kamarada

Nos tera keridu ten si identidadi

Povu di nha tera ten si liberdadi

Nos omi xeiu di amor ku valor pa nos tera

Nos kiriansa ku ses surizu di speransa

Nos mudjeris kanta alegria di vitoria

5 di juliu, dia di pas i amor

Meludia d’indipendensia kori na bentu

Surizu da boita di nos 10 ilia

Pa nu skesi dor ku sufrimentu, i jogu kolonial

Djatu ku rabolisu pa tudu kantu

Dja nu liberta, nos e kabuverdianu

Nos identidadi k’e nos orguliu

Fogeti zingi di un ladu pa kel otu

Kultura ku tradison finka pe na txon

Na kutelu po-du batuku, na rubera risponde-du ku tabanka

Dia ku noti karapati na kunpanheru

Sol raganha, lua ku strela skesi kanba

Txuba kanta filisidadi, el rapika ti ki txia kori

Kabu bira berdi di speransa

Djentis grandi leba mo na testa

Pas ku amor xinta povu riba di onbru

Letradus rodondiadu na mesa

So na matuta goberna tera pa purmeru bes

A Nhordes, nos sonhu dja bira rialidadi

Oxi, nu ten nos identidadi

Partilhe esta notícia

SOBRE O AUTOR

Redação