• Praia
  • 29℃ Praia, Cabo Verde
Floris di Nason
Cultura

Floris di Nason

Dobra forsa antis sol kanba na kutelu

Bu rabati kes flor di Nason

Antis ki ses sonhu mori fogadu na lagua

Di ses odju disnutridu di speransa

Sen skodjensa, longa mo na kes flor

Ki, ku fomi sustedu riba di korpu magrisela

Sa ta spremi lagua ku bariga lapidu na kosta

Na speransa ma mizeria ta labanta

Di porta ses funku, baraka o beku…

Ses inosensia di flor-di-idadi

Sta minguadu sima tristeza ses korpu

Ki maltratadu pa pidofilia kontinua ta ser…

Ma, surizu linpu di ses sonhu ta nspira Nason

Sima vos di Cabral, Luther King i Mandela.

Partilhe esta notícia

SOBRE O AUTOR

Redação