Cultura

Cultura

Oh friu

• Por Redação
• 27 de Jan de 2019

Ka bu fla-m pisiu

Bu tene-m sen briu

Si bu sabi modi ki N teni fastiu di bo

Ki nen pa N xinti-bu, ki fari inguli-bu

Bo e nha dizisperu

Ki ta fri mas ki pregu

Ki ta kaianbra-m tudu nhas dedu

Txon branku di jelu

E pa N toma kautela

Pa N ka panha keda

Pamodi N ka ten kabu di pega

Oh tenpu maivadu

Faimadu, ki nen pa bu oferese-m bu gazadju

Bu tene-m ku sonu spantadu

Xintidu kansadu

Na pensa labanta es mardugada

Ki N sta obrigadu, di ba trabadja

Pa nha familia, mi ke donu di kasa

Fatura ku renda, N ten ki paga

Li kata fiadu, kata dadu

Pamas nu trabadja, dinheru kata para

N teni rapendimentu, di ai, si N sabeba

N kata benha, N ta fikaba la undi

Ten kalor, ki ta kenta-m nha korason

La nha tera ki so N pensa na el

El ta dexa-m ku txeu emuson

• Tags
• #Janira Hopffer Almada
• #Opinião
• #Ponto de Vista