• Praia
  • 29℃ Praia, Cabo Verde
Forti kontradison
Cultura

Forti kontradison

Tenpu!

Bu bai i bu rabida

I bu tarse kontradison

Rodidjadu na demagojia

Ma N kre pa bu da-m un kusinha

Di bu tenpu

I si bu da-m

N ta rukuti-bu el

I N ta da nhas mosinhu

Un bokadu di kontra-tenpu

Nhas mosinhu,

N ka sabe si dja nhos matuta

Ma na tenpu di kodji votu

Bu ta atxa kes demagogu

Baxu di sol raganhadu

ku kalsa ramangadu

Kamisa sen boton

Kabesa bafadu ku txapeu txapa-txapa

Ta sube ladera i ta dixi kobon

Pamodi leison dja konku porta

Dispos di leison,

Skritoriu e na pregu di sidadi

Baxu d’ar kondisionadu

I odensia e ku obidensia

Mosinhus,

Nes pingu di tera

Tenpu dja rabida pa diparbesa

Skerda dja bira ndreta

Ndreta dja kira skerda

Senbleia e di povu

Ma sen vos di povu

Parlamentu?!

Ah, parlamentu!

Bo e pa lamenta ku paxenxa

Na ponta´l bexu…

La,

Brasu sakedu e lei

Maradu e diskordia

I soku e ruspetu

Na ora di padjeta,

Konbersu sabi e bodona

I boka kaladu e vinti kuatu rasposta

Pabia, rasposta e ramoki

Verdadi e konbersu

Mintira ta baradjadu

Verdadi ta tuntunhidu

Sentensia ta skivadu

I lei e demagojia

Forti kontradison

Nes padas di nason!

Partilhe esta notícia

SOBRE O AUTOR

Redação

    Comentar

    Inicie sessão ou registe-se para comentar.

    Comentários

    • Este artigo ainda não tem comentário. Seja o primeiro a comentar!