Cultura

Di un enkontru borduadu na un sentimentu

Sima palmanhan ta nansi

N viaja na bu oliar silensiozu i konpletu ki ta grita mi e bu seu

Entri petu i distansia

Bo e silensiu ki N ta ama

Entri brufa na rostu i bu toki

Nha Andar dansa kontus di fada

Na meludia di un surizu

Entri bus bexus i freskura na kopu

Disliza na nha korpu suavidadi di bu alma sima kurtina na txon

Lonji nos kunplisidadi

Mi e moda skritor sen tinta

Sen bu xarmi na nha sintura mi e moda sol sen briliu

Sen nha vos pegadu na di bo

Sen nos palavras ki ta konpletanu

Mi e inkapasidadi

Bu prizensa

Nha vos bu retratu inspirador

Entri seu i tera

Kabesa ta bana,

Bo e moda briza di mar

Kuida di mi

Lonbu na nha beju i

Akesi na maturidadi di nha perfumi

Moda un Aguia na si vou

Bu mo dizenhana nha sintura

N pega ultimu pena

Seija lapis ki ta dizenha nha Mundu.