• Praia
  • 29℃ Praia, Cabo Verde
Oh Kau Berdi
Cultura

Oh Kau Berdi

Oh Kau Berdi, undi ilias ta limia sima strela

Ondia ta badja na orizonti

Bentu ta kanta morabeza, nos tera kretxeu

Sol ta raganha na kutelu

Bu oru e nos midju

Bu diamanti e nos padas di txon

Bu pitroli e nos txuba

Bu berdura e nos rikeza

Oh Kau Berdi

Tera di morna, koladera, batuku i funana

Doxi sima mel, bu ta lanbuxa na nos sima nos mai

Paraizu di sabura, orizonti di freskura

Beleza di muzika ku txoru di sodadi

Tera di speransa, di txuba bensuadu

Nos tradison ku nos kultura so la ki ten

Bu ten kalor tropikal, ku beleza natural

Oh Kau Berdi

10 flor di amor na meiu di mar

Bu kai di mo di Dios

Ami e simenti di bu rais

Flor di bu karinhu

Frutu di bu ramu

Fidju di bu amor

Nha amor pa bo ta fika na nha korason ti fin di nha bida

Partilhe esta notícia

SOBRE O AUTOR

Redação