Nha noiba dja da rinkada

Cultura

Ta ronka ta bai

Sen burgonha

Sen rasmunga pamo nhu Djon dura...

Fantxolinha dje sai

Pa riba dor di bandonu governu

Kunfianti ta bai

Pa riba dor di sodádi mosinhus na strangeru

Janóta na si jornáda

Riba na aitura

Dje limpa lagua

Dje tenti fomi

Djorombu forsa

Pa brasu rapasis nobu

Mininus na bongolon

Guentis grandi ta konsedja:

Di sumóla ka poi padja lumi mas

Ka dexa nun ponta sen simia

Nha noiba bunita di lensu koloridu

Lábios ta lumia di makiági'l brísa di muntanhas

Petu gratu di bensu ki dje resebi

Alma limpu, sem rankor sen mantxontxa

Nha noiba xintádu na mé d'atlantiku

Kunfianti na manhan ki dja txiga ku ramédi

ma ta limpa tudo malis ta leba pa mar di lonji

Ma nos mar ta ser di nos y não di stranhu

Ma ninhun sis fidjus ka ta bendi ninhum ponta

Pa ninguen ka ben fose-nu di sufá nen di sopa

SOBRE O AUTOR

Redação

Artigo anterior

Jorge Santos e o 31 de Agosto

Artigo Seguinte