Son Dumingu Forti kastigu

Cultura

Son Dumingu

Desdi tenpu antigu

Senpri resebi si amigu

Otu propi e da si abrigu

Pena ki na si unbigu

Ês pô - l tabaku di inimigu

Ku xeren di simenti figu

Nha djenti kê li kê kastigu

Di fredjeziâ

Nu bira konsedju

Bandera isádu di diâ

Juradu, finkadu duedju

Fosedu prumesa

Ti ki Seu bira di palbesa

Povu tudu biradu kabesa

Pensa ma pon ta txiga si mesa

Ês subi puleru ês bota - nu un íska

La ki nu kumesa ta kridita na buátu

Nu daz valda pês kumi ku sês biska

Ala - nu li ka podi nen kapri un kuátu

Kada kapiton ta ben ta da si fadja

Ta pega barku ta ratxa ta satadja

Ta kumi ti té...sês pé ês ta spadja

A - nos li di baxu so ta fla ah kanadja

Purmeru konloia ku fraka - menti

Kel sugundu gôra...franka - menti

Tirsêru povu pensa n'un kli - menti

Na N' ôôôh. E maz un infilz - menti

Nh'armun, nh'amigu

Nu roga nu pidi Nhor Dez

Pa ki Son Dumingu

Un dia konxi, tanbi, si bez

SOBRE O AUTOR

Redação

Artigo anterior

Carnaval da Praia. Muito potencial, poucos amigos

Artigo Seguinte